Undirbúningur embættismanna sem taka við störfum í hreyfingunni næsta haust er í fullum gangi. Fræðslunefndin fór af stað fyrir nokkrum vikum og 12. mars s.l. var fræðsla fyrir verðandi svæðisstjóra. Um komandi helgi verður fræðsla fyrir verðandi forseta og fer fræðslan fram bæði í Reykjavík og Akureyri. Í fræðslunefndinni eru, Andrés K. Hjaltason formaður, Bragi Eyjólfsson, Hildisif Björgvinsdóttir, Sigurgeir Aðalgeirsson og Benóný Guðmundson. Verðandi ritarar og féhirðar fá síðan fræðslu á þinginu á Hornafirði í haust.
Sameiginlegur svæðisráðsfundur Grettirs og Óðinssvæðis verður haldin 30 apríl á Siglufirði. þetta veður síðasti svæðisráðsfundur Grettirssvæðis þar sem Drangey og Skjöldur ganga inn í Óðinssvæði í haust en Mosfell fer í Sögusvæði.
Í Kiwanisklúbbnum Emblu var haldin fundur nr.300 föstudaginn 25. mars og buðum við mökum og fleiri gestum á fundinn. Þetta var ágætis fundur og ýmislegt gert sér til gamans: farið í leiki, upplestur, sagðar skrýttlur og endað með harmonikkuleik.
Kiwanisklúbburinn Eldfell verður til. Í síðustu vikur skrifuðu 22 Kiwanisfélagar undir beiðni um stofnun Kiwaniaklúbbsins Eldfells-Reykjavík, en stofnfélagar verða vonandi hátt í 30. Þar með hleypir fyrsti græðlingklúbbur landsins heimdraganum.
Í vikubyrjun var KI send tilkynning um að með staðfestingu umdæmisstjórnar Kiwanisumdæmisins Ísland Færeyjar, verði Andrés K. Hjaltason, fyrrverandi umdæmisstjóri og Keilisfélagi í framboði til "Trustee at Large" á heimsþingi í Genf í sumar. Um er að ræða sæti í heimsstjórn sem stendur Kiwanissvæðum utan Ameríku og Kanada til boða 3ja hvert ár, en Evrópubúi gengir því núna.
Fræðslunefnd umdæmisins verður með fræðslu kjörforseta dagana 2. og 3. apríl 2011
Laugardaginn 2. apríl 2011 verður fræðsla fyrir kjörforseta í eftirtöldum svæðum. Eddusvæði, Sögusvæði, Ægissvæði og Þórssvæði. Fræðslan verður haldin í Kiwanishúsinu að Engiteig í Reykjavík og hefst kl 10:00.
Þriðjudaginn 15. mars verður almennurfundur sem er opinn öllum, hjá Heklufélögum. Á þennan fund höfum við fengið Arne Sólmundarson verkfræðing og ritara Skotvís, til að halda fyrirlestur um Vatnajökulsþjóðgarðinn. Aðkoma útivistarfélaga og samráðsferlið.
Um nokkra hríð hefur KI boðið uppá vefnámskeið (webinar) á ensku og spænsku fyrir Kiwanisfélaga. Efni námskeiðanna er mjög fjölbreytilegt og fræðandi þannig að allir ættu að finna eitthvað við hæfi. Skrá þarf sig á hvert námskeið, en það er mjög einfalt. Hægt er að nálgast eldri námskeið, en einnig eru þau vinsælustu reglulega endurtekin.
Í tilefni af 40 ára afmæli sínu gaf Kiwanisklúbburinn Skjöldur á Siglufirði unglingadeild Björgunarsveitarinnar Stráka í gærkvöldi fimm afar vandaða áttavita. Tóku þeir Jósteinn Snorrason og Magnús Magnússon við þeim fyrir hönd Smástráka.
Smástrákar eru 13-20 nemendur í 9-10. bekk Grunnskóla Fjallabyggðar og eru þeir að læra grundvallaratriði björgunarsveita. Að sögn Magnúsar munu þessir áttavitar koma sér vel í því undirbúningsnámi, ekki síst við kennslu rötunar.
Helgina 19-20 febrúar var þriðji fundur Evrópustjórnar haldinn í Munchen. Fundurinn var að mestu hefðbundinn en merkilegur fyrir þær sakir að þar var undirritað samkomulag um fjármögnun KI á Evrópu. Meðfylgjandi er dagskrá fundarins,
Á félagsmálafundi þann 16. febrúar síðastliðinn heiðraði Kiwanisklúbburinn Eldey, núverandi og fyrrverandi umdæmisstjóra Kiwanishreyfingarinnar Ísland-Færeyjar með Hixon orðu sem þakklæti fyrir framúrskarandi störf í þágu umdæmisins. Meðfylgjandi er ræða forseta sem haldin var við þetta tilefni.
Ágætu Kiwanisfélagar Stofnaður hefur verið græðlingaklúbbur við Kiwanisklúbbinn Sólborg. Þetta eru 12 konur sem hafa áhuga á að ganga til liðs við hreyfinguna. Ætlunin er í framtíðinni að þær verði sjálfstætt starfandi og munu þær funda í Reykjavík. Þær hafa valið sér nafnið Dyngja.
Sæl öll Síðasti dagur til að koma inn efni í Kiwanisfréttir er 21. mars og viljum við byðja klúbba og embættismenn að vera duglega að senda efni og myndir í blaðið Kveðja Þyrí Marta Baldursdóttir ritstjóri Kiwanisfrétta
Annar svæðisráðsfundur Ægissvæðis var haldinn 12. febrúar sl. Umdæmisstjóri stýrði fundi í fjarveru svæðisstjóra sem var veik. Forsetar fluttu skýrslur og kemur fram í þeim að mikið og gott starf er í klúbbunum í svæðinu. Teknir hafa verið inn fjórir nýir félagar en þrír félagar hafa fallið frá á þeim tíma sem liðin er frá því að við hittumst siðast.
Ferðanefnd er nú að ljúka við skipulagningu ferðar á heimsþing hreyfingarinnar í Genf í Sviss. Allir sem skráðir eru hafa nú greitt fyrirframgreiðslu sína og staðfest ferðina. Óvænt fengum við nokkra daga frest á staðfestingum ytra og þess vegna eru nokkur sæti laus í ferðina. Væntanlega verður ferðinni lokað einhverja næstu daga. Ef einhver hefur áhuga vinsamlega hafið samband við okkur strax og staðfesta þar ferðina með 50.000 króna innborgun.
Kvennanefndin vinnur nú að stofnun kvennaklúbbs í Reykjavík og er nú hópur kvenna sem hittist reglulega en okkur vantar fleiri konur með okkur. Þess vegna leitum við til ykkar kæru félagar og biðjum ykkur endilega að hvetja konur í kringum ykkur að koma á fund til okkar og kynna sér málið. þetta er bara gaman eins og þið vitið.
Þann 15. febrúar afhent styrktarnefnd Heklunnar, ásamt forseta klúbbsins, Ljósinu kr. 100.000,- Félagsmönnum var þakkað innilega fyrir þennan styrk, en hann kemur sér mjög vel þar sem hann væri hugsaður til að kaupa á tækjum og efni til silfursmíði.
