Undirbúningur næsta starfsárs í fullum gangi

Búið er að ganga frá vali á öllum embættismönnum í umdæmisstjórn starfsárið 2011-2012 og mun ég kynna það formlega á umdæmisstjórnarfundinum 16. apríl n.k. Þá hafa fyrirmyndarviðmið klúbba og félaga  verið í endurskoðun og mun ég senda drög að nýjum fyrirmyndarviðmiðum til allra klúbba núna í apríl. Drög að þessum viðmiðum verða kynnt í forsetafræðslunni.
Þá er  starfandi vinnuhópur undir forystu Arnars Ingólfssonar að endurskoða Stefnumótun hreyfingarinnar og væntir hópurinn að drög að nýrri stefnumótun 2011-2016 liggi fyrir í lok apríl. Þau verða þá send út til allra klúbba sem geta gert sínar athugasemdir og viðbætur. Stefnumótunin verður síðan til umræðu og afgreiðslu á þinginu í haust.
 
En að sjálfsögðu eru bjartir tímar framundan, hjálmaafhending í lok apríl og K-dagurinn 10.maí Nú er um að gera að taka þessi mál til umræðu í klúbbunum og vera tímanlega að skipuleggja vinnuna og þá mun ekki standa á ánægjulegum niðurstöðum að þessu loknu
 
Með vorkveðju
Ragnar Örn Pétursson kjörumdæmisstjóri