Þriðjudaginn 9. nóvember stóð kvennanefnd umdæmisins fyrir kynningarfundi að Engjateigi. Þetta var góður og skemmtilegur fundur. Óskar Guðjónsson umdæmisstjóri kynnti hreyfinguna og markmið hennar. Kvennanefndin sagði frá hvernig Kiwanisklúbbar starfa og Sólborgarfélagi sagði frá sinni Kiwanisupplifun.
Hjálmar og Helgi fóru fyrir félagana í Kiwanisklúbbnum Kötlu og afhentu inn á barnadeild Landsspítalans,Kötludúkkuna eins og við höfum gert síðastliðin 14 ár einnig afhentum við dælu til nota í fiskabúrið,og síðan enn ekki síst afhentum (slepptum) við líka gullfiskum í búrið
Kynningarfundur fyrir konur verður haldinn í Kiwanishúsinu, Engjateigi 11, þriðjudaginn 9.nóv kl. 20:00. Stuttar kynningar á því sem Kiwanis stendur fyrir og hvað það er bæði gaman og gefandi að vera í Kiwanis. Strákar! Látið stelpurnar í kringum ykkur vita af þessum fundi.
Hin árlega glæsilega Villibráðarhátið Hraunborgar verður haldin laugardaginn 6. nóvember í Haukahúsinu að Asvöllum og hefst kl 12:00, Miðaverð er Kr. 8.000 og hefur verið nú óbreytt í 3 ár. Miðar fást hjá Geir í síma 664 1640 og Steingrími í síma 856 3458
Föstudagskvöldið 29. október héldu Kiwanisklúbbarnir Hekla og Esja svo kallaðan “Lambaréttardag” þetta er árlegur viðburður og þá hittast félagar og gestir þeirra og borða allt mögulegt sem lambið gefur af sér. Mættur voru 21 félagar og 82 gestur. Veislan hófst kl. 20:00 og lauk um miðnættið.
Á komandi vetri verða æðstu embættismenn tveggja landshreyfinga, Kiwanis og Rótarý, báðir Kópavogsbúar og félagar í klúbbum í Kópavogi. Umdæmisstjóri Kiwanis er Óskar Guðjónsson og umdæmisstjóri Rótarý Margrét Friðriksdóttir. Báðar hreyfingarnar halda sitt umdæmisþing á þessu hausti, og báðar í Salnum í Kópavogi. Fertugasta umdæmisþing Kiwanisumdæmisins Ísland – Færeyjar var haldið í Kópavogi 10. til 12. september sl. Að venju voru veittar viðurkenningar og þar ber helst að nefna að Fjölgunarbikarinn fékk klúbburinn Sólborg úr Hafnarfirði, Jörfi athyglisverðasta fjáröflunarverkefnið, Elliði athyglisverðasta styrktarverkefnið og Keilir fékk fjölmiðlabikarinn. Sjö klúbbar hlutu viðurkenningu sem fyrirmyndarklúbbur.
Kiwanisklúbbarnir Ós á Hornafirði og Búrfell á Selfossi slógu saman árshátíðum og stjórnarskiptum sínum um síðustu helgi. Mæst var á miðri leið, á Kirkjubæjarklaustri, á hótelinu þar. Búrfellsmenn fögnuðu í leiðinni að rétt 40 ár eru liðin frá stofnun klúbbsins, en hann var stofnaður 30. september 1970. Til að fagna þessum áfanga mættu til viðbótar, nærri 20 félagar frá Kiwanisklúbbnum Eldborgu í Hafnarfirði og einnig Óskar Guðjónsson umdæmisstjóri ásamt fylgdarsveini sínum, Birni Baldvinssyni.
Þann 9. október síðastliðinn var haldin Stjórnarskiptafundur og Árshátið í Kiwanisklúbbnum Eldey. Hildisif Björgvinsdóttir svæðisstjóri Ægissvæðis og Bergþór Ingimundarsson kjörsvæðisstjóri aðstoðuðu við stjórnarskipti. Við þetta tækifæri voru teknir inn tveir nýjir félagar í klúbbinn og komu Hildisif og Bergþór að þeirri athöfn sömuleiðis.
Það hefur nú verið ákveðið að Kiwanisklúbburinn Búrfell ætlar að halda stjórnarskiptafund sinn í samstarfi við Kiwanisklúbbinn Ós á Hornafirði. Fundurinn verður haldin á hótelinu á Kirkjubæjarklaustri laugardaginn 23 október n.k. Þetta er svo sem ekki í frásögu færandi nema fyrir það að nær allir klúbbfélagar ætla að mæta ásamt mökum sínum og halda þar upp á 40 ára afmæli klúbbsins.
Stjórnarskipti fóru fram í kiwanisklúbbnum Súlum Ólafsfirði Sunnudagin 10 Október. Svæðisstjóri frú Lára Einarsdóttir í Emblum ásamt 2. Emblufélögum komu og skiptu um stjórn Einnig voru 3. kiwanisfélagar úr kiwanisklúbb Skyldi á Siglufirði mættir á þennan stjórnaskiptafund okkar.
Stjórnarskipti Kötlu voru gerð í góðu hófi á “Hótel Hengli” að Nesjavöllum laugardagskvöldið 9.okt. Jón Jakob Jóhannesson frá Jörfa, svæðisstjóri Eddusvæðis framkvæmdi skiptin. Þorlákur Jóhannsson lét af forseta stöðu en Gísli St. Skarphéðinsson tók við forsetakeðjunni og öllu sem henni fylgir.
Stjórnarskiptafundur hjá Heklunni var haldinn að Hótel Flúðum laugardaginn 25. september s.l. Þetta er í fimmta sinn sem klúbburinn heldur stjórnarskiptafund að Hótel Flúðum og eru sumir mættir á föstudegi en formleg mæting er á laugardegi og var þá farið í rútuferð um svæðið. 15 félagar mættu og 13 eiginkonur, þar af var svæðisstjórinn Ingólfur Friðgeirsson.
Stjórnarskiptahátíð Kiwanisklúbbsins Höfða var haldin á Hótel Glym í Hvalfirði laugardaginn 25. september s.l. Hátíðin hófst með borðhaldi og var Reynir Áslaugsson veislustjóri og hélt hann veislugestum við með léttu glensi og fróðleik. Að lokinni góðri þriggja rétta máltíð var fráfarandi forseta Sigurði Svavarssyni gefið orðið. Hann fór nokkrum orðum yfir starfsárið sem var 20. starfsár klúbbsins. Forseti kallaði upp allar eiginkonur félaga og þakkaði þeim fyrir þeirra störf, þó Sérstaklega veitingar á afmælisdegi klúbbsins þann 17. apríl.
Þriðjudaginn 5. október voru stjórnarskipti hjá Kiwanisklúbbnum Emblu og sá Lára Einarsdóttir svæðisstjóri um skiptin en Lára er félagi í Emblu. Henni til aðstoðar var Sigurjón Pálsson kjörsvæðisstjóri. Emblur voru kátar vanda, en á fundinum tóku þær inn tvo nýja félaga og sá svæðisstjóri einnig um það.
Góðir Kiwanisfélagar nær og fjær 1. október er alltaf sérstakur dagur hjá Kiwanis! Þetta var dagurinn sem nýir embættismenn umdæmis og klúbba taka formlega til starfa. Fólkið sem tók metnaðarfulla ákvörðun um að leiða okkur inní nýtt ár Kiwanisstarfa og -þjónustu. Ég vil nota tækifærið og þakka öllum fráfarandi embættismönnum umdæmis, svæða og klúbba fyrir ánægjulega samvinnu og vel unnin störf á liðnu starfsári. Grasrótinni, klúbbfélögum, þakka ég frábær kynni og ómetanlega gestrisni, þar sem knúið hefur verið dyra. Klúbbaheimsóknirnar, innsýnin í óeigingjarnt starf félaganna og jákvætt viðmót ykkar mun verða mitt vegarnesti inní nýtt starfsár.
Andrés K. Hjaltason hlaut í gær Hixon orðuna sem er æðsta heiðursviðurkenning Kiwanishreyfingarinnar. Orðan var afhent honum í gær í afmælisfagnaði Kiwanisklúbbsins Keilis. Hixon orðan er veitt fyrir framúrskarandi vinnu við verkefni Kiwanishreyfingarinnar í hverju landi sem það á við. Orðan er kennd við Georg F. Hixon sem var upphafsmaður Kiwanishreyfingarinnar.
Kiwanisklúbburinn Keilir í Keflavík fagnaði 40 ára afmæli í gær en hann var stofnaður 30. september 1970. Í tilefni dagsins var blásið til afmælisveislu í húsakynnum klúbbsins að Iðavöllum 3 þar sem hann hefur haft aðsetur frá árinu 1991.
Stjórnarskipti hjá Kiwanisklúbbnum Mosfelli fóru fram 29. sept s.l. Þau annaðist Erlendur Fjeldsted svæðisstjóri Grettissvæðis en hann er félagi í Mosfelli. Erlendur er síðasti svæðisstjórinn í Grettissvæði en það verður lagt niður eftir þetta starfsár.
.JPG)