Nú fer að líða að árlegum vorverkum Kiwanismanna, að afhenda öllum börnum í 1.bekk grunnskóla á Ísland reiðhjólahjálm. Þetta er einstaklega þakklátt verk og er eitt af frábærum verkefnum sem Kiwanishreyfingin hefur haft forgöngu um. Hugmyndin fæddist fyrir norðan, hjá Kaldbak á Akureyri og var fyrstu árin eingöngu á ábyrgð einstakra klúbba, með fyrirtæki í héraði sem styrktaraðila. Landsverkefni varð það svo 2004 með Eimskip sem styrktaraðila og þannig hefur það verið síðan.
Afmælisfagnaður haldinn þann 29 mars 2014. 10:30 - Hittingur í Kiwanishúsinu.(upphitun) 11:00-16:00 - Svæðisráðsfundur í Framsýnarsalnum. 12:00 - Kiwaniskonur bjóða upp á hádegisverð á vægu verði (1000 kr.) 13:00 – 16:00 Makaferð.(sem enginn maki má missa af) Farið verður í safnið á Mánabakka, síðan skoðum við bæinn og kirkjuna með leiðsögn. Þá er haldið í Hvalasafnið og það skoðað, þar verður boðið upp á léttar veitingar. 19:00 – Hátíðarveisla í Sólvangi (Tjörnesi). Húsið opnað. 20:00-23:00 – Borðhald hefst í umsjá Heimamanna.
Fundur nr. 708 í Kiwanisklúbbnum Jörfa. Fundurinn haldinn á Broadway við Ármúla 17.mars 2014.Þetta var almennur fundur með fyrirlesara. Dagskráin var með hefðbundnu sniði.
Fimmtudagurinn 20. nálgast . Næstu skref í „Stífkrampaverkefninu Á fimmtudaginn næsta 20. mars opnum við sögusýninguna í Kringlunni. Þann dag opnar Unicef einnig heimasíðuna www. unicef.is/stífkrampi Við setjum „link“ af heimasíðunni www.kiwanis.is. Bæklingurinn sem við munum dreifa er tilbúinn og verið er að setja saman efnið í sýningarrammana. Unicef mun boða blaðamenn og ljósmyndara í Kringluna kl. 12.30 og vonandi tekst okkur að koma þessu að í fjölmiðlum. Það fer þó alltaf eftir því hvað er að ske þann daginn og hvaða fréttir taka yfir. Við verðum með vel merkt svæði og reynum að vera áberandi.
Við félagar í Helgafelli fengum frábæra heimsókn núna um helgina en félagar okkar frá Kiwanisklúbbnum Hof í Garði voru hér á ferð og kíktu aðeins á okkur. Á föstudagskvöldið voru úrslit í opna Tvistmótinu í snóker í kjallara Kiwanishússins og kíktu Hofsfélagar aðeins við, en síðan vorum við með móttöku fyrir gestina Hofsfélaga og maka á laugardegninum frá kl 17-19 og áttum við Helgafellsfélagar sem mættu
Fjölmenni var á bingói Kiwanisklúbbsins Dyngju í gærkvöldi. Spilaðar voru 20 umferðir, og fóru sumir þátttakenda heim með fleiri en einn vinning.
Við þökkum öllum þeim frábæru fyrirtækjum sem lögðu okkur til glæsilega vinninga. Þá viljum við þakka einstakan rausnarskap Kiwanisklúbbsins Eldeyjar, sem lánaði okkur hús og áhöld til bingóspils, og hvöttu okkur til dáða.
Fræðslunefnd hefur undanfarnar vikur undirbúið fræðslu fyrir verðandi embættismenn starfsárið 2014 – 2015. Nk laugardag verður fræðsla verðandi svæðisstjóra að Bíldshöfða 12. Fræðsla kjörforseta í Óðinssvæði verður 29. mars á Húsavík samhliða svæðisráðsfundi í Óðinssvæði, fræðsla kjörforseta í öðrum svæðum verður síðan haldin 5. apríl á höfuðborgarsvæðinu.
Smá fréttir af starfi umdæmisstjóra fram á daginn í dag. Í janúar var haldinn umdæmisstjórnarfundur þar sem umdæmisstjóri helgaði sér þann sið sem mörg svæði eru farin að gera, að láta ekki lesa upp skýrslur heldur voru þær sendar til fundarmanna fyrir fundinn í tölvupósti. Með þessu vannst meiri tími í umræður um skýrslur og starf hreyfingarinnar. Á fundinum skipaði umdæmisstjórn vinnuhópa sem hver um sig fékk sitt verkefni til að ræða og skilar svo skýrlsu fyrir næsta umdæmisstjórnarfund. Ætlunin er að vera svo með umræðuhópa um niðurstöður hópanna á þinginu í haust. Þau málefni sem þessir hópar fengu eru þessi: Umdæmisþing og skipulag þeirra, hvenig er hægt að gera þing áhugaverðari og árangursríkari fyrir hreyfinguna.
Góugleði Bása var haldin á dögunum í kofanum við hliðina á veitingastaðnum Húsinu á Ísafirði. Umdæmisstjóri Dröfn Sveinsdóttir var mætt á staðinn og tók til við að pússa silfurbikara til að vinna fyrir gistingunni, en gistingin var í boði Kjörumdæmisstjóra og konu hanns. Mæting var í Kiwanishúsinu þar sem boðið var uppá léttar veitingar, og síðan var haldið á áðurnefndan stað til matar og fundar þar sem m.a var tekinn inn nýr félagi og sá Umdæmisstjóri um þá athöfn.
Í tilefni af mottumars þá afhenti Kiwanisklúbburinn Keilir í Keflavík, Krabbameinsfélagi Suðurnesja styrk að upphæð 150 þúsund krónur. Styrkurinn var veittur í tilefni þess að Jakob Kristjánsson einn af stofnfélögum klúbbsins fagnar 80 ára afmæli sínu í næsta mánuði. Þrátt fyrir aldurinn lætur Jakob ekki deigan síga og hefur undanfarin ár verið með 100% mætingu á fundi klúbbsins. Keilir var stofnaður 1970.
Félagi okkar Sigvarð Sigurðsson varð fimmtugur á dögunum og að venju var honum afhent fánastöngin fræga á þessum merku tímamótum. Sigvarð stundar sjóinn af miklum móð og hefur því verið fjarverandi, en á félagsmálafundir þann 6 mars var kappinn í landi og á þeim fundi afhenti forseti
Svæðisstjóri Ægissvæðis, Jóhanna M. Einarsdóttir, var gestur Eldeyjar á félagsmálafundi þann 5.mars 2014. Hún kynnti m.a. nýtt fyrirkomulag svæðisráðsfunda, þar sem skýrslur forseta hafa verið sendar rafrænt fyrir fundinn. Samstarf milli klúbba í svæðinu mun væntanlega aukast þann 17. apríl þegar haldin verðu keilukeppni Ægissvæðis!
Það var gott og fræðandi að fá svæðisstjórann í heimsókn og gott að heyra að mikið og öflugt starf er í gangi á Ægissvæðinu.
Góðir félagar. Dagana 13. janúar -8. febrúar gafst félögum með virk netföng, tækifæri til að tjá sig um Kiwanismál sem verið hafa í umræðunni á starfsárinu. Fjórðungur félaga með virk netföng nýtti sér tækifærið. Niðurstöður þessarar könnunar Kiwanisfrétta eru birtar í viðhengi. Vonandi skapa þær umræður í klúbbum og ekki síður að verða veganesti nýskipuðum vinnuhópum umdæmisstjórar um mörg þessara mála. Mjög ánægjulegt var að fá beinskeyttar athugasemdir frá mörgum félögum, en þær fékk framkvæmdanefnd til afgreiðslu.
Fundurinn haldinn á Broadway við Ármúla. Þetta var félagsmálafundur með hefðbundinni dagskrá. Á fundinn mætti Dröfn Sveinsdóttir umdæmisstjóri og skýrði frá störfum umdæmisstjórnar og hvað væri framundan .Hún svaraði spurningum frá félagsmönnum . Sigursteinn Hjartarson var með sitt lífshlaup. Þá kynnti kjörforseti Friðjón Hallgrímsson tillögu að næstu stjórn og nefndum Jörfa fyrir starfsárið 2014-2015
Á fundi Kiwanisklúbbsins Eldfells í gærkvöld var gestkvæmt enda skal engan undra, frábær framsögumauður í sr. Gunnari Sigurjónssyni, sem flutti bráðskemmtilegt erindi um mótorhjólamennsku. Ekki skemmdi heldur fyrir að á matseðli kvöldins var íslenskt fjallalamb með bernaise-sósu enda komið passlega langt frá jólum til að láta vaða á stórsteik.
Viljum við Eldfells félagar þakka Kiwanisklúbbnum Mosfelli og gestum frá Kiwanisklúbbnum Drangey og Ós fyrir að heiðra okkur með nærveru sinni á fundinum. Sérstakar þakkir fær svo sr. Gunnar fyrir erindi sitt og hefði verið hægt að sitja undir frásögn hans í sólarhring án þess að láta sér leiðast.
Myndir frá fundinum má finna með því að smella HÉR.
Kiwanisklúbburinn Dyngja fékk góða gesti á 19. fund klúbbsins í gærkvöldi. Nokkrir félagar úr Kiwanisklúbbnum Vörðu í Reykjanesbæ sóttu okkur heim. Fyrirlesari kvöldsins var Annadís Gréta Rúdólfsdóttir, sem fræddi okkur um starfsemi Jafnréttisskóla Háskóla Sameinuðu þjóðanna, en skólinn varð hluti af neti skóla Háskóla SÞ hinn 9. maí 2013. Annadís er námsstjóri við skólann.
Á sunnudagsmorgun rétt fyrir hádegi voru Eldeyjarfélagar að keyra út konudagsrós með konfektmolum og fleiru. Var því hægt að sjá um alla borgina gulklædda karlmenn að afhenda konum blóm í tilefni dagsins frá sínum heittelskuðu. Þetta er orðin árviss fjáröflun hjá Eldey og vekur alltaf jafnmikla lukku hjá þeim sem eru að fá blóm. Hefur þessi fjáröflun farið vaxandi ár frá ári og eru þegar komnar pantantir í hús fyrir næsta ár.
Á myndinni er Gulli úr Eldey að afhenda 2 konudagsblóm.
Kiwanisklúbburinn Jörfi vill þakka frábærar undirtektir vegna konudagsblómasölu. Blómasala Jörfa á konudaginn ár hvert er ein af helstu fjáröflun klúbbsins en allur ágóði fer í styrktarsjóð. Ávinningurinn af þessu er ótvíræður; ánægðar (eigin)konur og fjárstyrkur til líknarmála. Jörfi þakkar öllum þeim sem komu að þessu á einn eða annan hátt og sérstakar þakkir til þeirra er keyptu blómvönd hjá klúbbnum.