Í dag þriðja í jólum var haldin jólatrésskemmtun Helgafells í Kiwanishúsinu við Strandveg. Skemmtunin var í umsjón vaskra manna í nefndinni og að venju stóðu þeir sig eins og hetjur. Konur Kiwanismanna og Sinawiksystur sjá um bakkelsið í kaffihlaðborðið og passa uppá að eingin fari svangur út frá þessari skemmtun.
Það er venja félaga í Kiwanisklúbbnum Jörfa í Árbæ, að leita til fyrirtækja um samvinnu við að styðja við bakið á þeim sem minna mega sín nú fyrir jólin. Úthlutun á matarkassa er í samvinnu við sr. Þór Hauksson sóknarprests í Árbæjarkirkju. Eftirtalin fyrirtæki sáu sér fært að taka þátt í þessu styrktarverkefni , Vífilfell, Norðlenska, Ora, MS, Rekstrarvörur, Ísfugl, Nói – Sírius, O. Johnson & Kaaber, Gæðabakstur, Harðfisksalan og Matvæladreifing. Fá þau bestu þakkir fyrir.
Skötuveislan verður í Eldeyjarhúsinu á Þorláksmessu. Veislan byrjar kl. 11:30 og stendur til 14:30 og gestir velkomnir á þeim tíma. Í boði er skata, tindabikkja, saltfiskur og hefðbundið meðlæti.
Skötuveislan er fjáröflun fyrir styrktarsjóð Eldeyjar og verðið er 3.500 kr.
Nokkrir félagar úr Eldey heimsóttu 7 sambýli í Kópavogi og 1 í Hafnarfirði þann 21.desember 2013 og afhentu vistmönnum glaðning frá Kiwanisklúbbnum Eldey vegna jólanna 2013 undir stjórn formanns fjáröflunarnefndar Eldeyjar, Sigurðar Smára Olgeirssonar. Það var sérstaklega ánægjulegt að fá að vera með í þessari afhendingu var haft eftir einum af Eldeyjarfélögunum en allstaðar var tekið sérstaklega vel á móti þeim. Andvirði þessara jólaglaðninga í ár var rétt um 120.000 kr. Á myndinni eru Sigurður Smári Olgeirsson formaður fjáröflunarnefndar og Heiða Kristjánsdóttir forstöðumaður ásamt vistmönnum í sambýlinu Hrauntungu.
Vegna mikilla fyrirspurna um þinggerð síðasta þings þá var ég að fá hana í hendurnar og er hún komin til birtingar hér á vefnum, svo nú hafa félagar eithvað lestararefni yfir hátíðarnar.
Jólafundur Eldeyjar var haldinn 18.desember 2013. Á þennan hátíðarfund voru mættir rétt um 80 manns með gestum sem nutu veitinga af glæsilegu jólahlaðborði. Yngri barnakór Kópavogsskóla sá um jólasönginn undir stjórn Skarphéðins en séra Gunnar Sigurjónsson prestur í Digraneskirkju um jólahugvekjuna að þessu sinni.
Kiwanisklúbburinn Eldey í Kópavogi sendi 27. nóvemberveglega fjárhagsaðstoð til Kiwanisklúbba á Leyte svæðinu og Iliolo Panay eyju á Filippseyjum. Þetta eru sömu eyjur og Aklan er á en það svæði varð einna verst úti í þeim hörmungum sem geisað hafa yfir á Filippseyjum.
Í desember fær Samfélagssjóður Hornafjarðar afhentar 400.000 krónur. Upphæðinni er skipt í 10 gjafabréf á sem eru inneignarkort í Nettó. Gefendurnir eru Kiwanisklúbburinn Ós sem gefur 300 þúsund og Nettó bætir 100 þúsund krónum við gjöf þeirra Ós-félaga. Húsamiðjan stóð vel við bakið á Ós-mönnum með veglegum afslætti á jólatrjám. Samfélagssjóður Hornafjarðar mun sjá um úthlutun inneignakortanna. Þetta verður vonandi kærkominn jólaglaðningur í okkar samfélagi.
Kiwanisklúbburinn Keilir í Keflavík veitti á dögunum veglega styrki til Fjölskylduhjálpar Íslands og Velferðasjóðs Suðurnesja. Styrkirnir voru veittir um sama leyti og Keilir opnaði sína árlegu jólatréssölu sem er í Húsasmiðjunni á Fitjum. Tvö atriði sem tengjast jólunum og gerast alltaf ár eftir ár er koma jólasveinanna til byggða og opnun jólatréssölu Keilis, en klúbburinn hefur selt Suðurnesjabúum jólatré, skreytta krossa og greinar sem Sínawikklúbburinn í Keflavík hefur útbúið í hátt í 30 ár. Allur ágóði sölunnar rennur til líknarmála.
Jólafundur Jörfa var haldinn á Hótel Park Inn 13.des. með þessu fína jólahlaðborði. Sr. Þór Hauksson prestur í Árbæjarkirkju var gestur okkar eins og venjulega. Þarna skemmttu okkur krakkar með tónlistaratriði frá Suzuki Tónlistarskólanum alveg frábærir krakkar með fiðlurnar sínar flott atriði hjá þeim. Svo las Bjarki Karlsson upp úr sinni ljóðabók sem vakti mikla lukku allavega keyptu félagarnir í bókina stykkjatali af honum.
Í gærkvöldi var haldinn Jólafundur hjá okkur Helgafellsfélögum og að venju var hann sameiginlegur með Sinawik konum. Húsið var opnað kl 19.30 og strax byrjuðu gestir að streyma til fundar sem var síðan settur um áttaleytið af forseta Helgafells Ragnari Ragnarssynir, sem hóf sitt má á að fara yir afmælisdaga félagar, en einn félagi Andrés Sigurðsson átti einmitt afmæli þennan fundardag. Að þessu loknu hófst borðhaldið en boðið var upp á glæsileg Jólahlaðborð að hætti Sinawik- kvenna og ekki klikkaði það frekar en áður, hreint út sagt frábær matur hjá konunum og berum við þeim bestu þakkir fyrir.
Það var líf og fjör í tuskunum þegar hópur Helgafellsfélaga ásamt börnum barnabörnum vinum og kunningju voru mætt í Kiwanishúsið til að pakka jólasælgætinu okkar sem er aðal fjáröflun okkar klúbbs og fer salan í gang nú um helgina og fram eftir næstu viku en það viðrar ekki sérlega vel um helgina til sölu sælgætis en það er aldrei að vita að hann dúri á milli og menn fara af stað ?
Örn Árnason leikari var fyrirlesari á almennum fundi Eldeyjar þann 4.des 2013. Þetta var mjög fjörugur og skemmtilegur fundur þar sem Örn fór snöggt yfir ævistarf sitt og það sem hann hefur verið að vinna að.
Í kvöld mættu vaskir sveinar úr Helgafelli á Hraunbúðir Dvalarheimili Aldraðra hér í Vestmannaeyjum til að skreyta heimilið fyrir jólin, þar sem aðventan er gengin í garð og jóladagskrá framundan hjá heimilisfólki og eldriborgurum í Eyjum.
2.des.2013 var almennur fundur haldinn í Kiwanisklúbbnum Jörfa.
Fyrirlesari var Eyþór Eðvarðsson sem sagði frá einstakri ferð hans og félaga á árabát frá Kristiansand í Noregi fyrst með suðurströndinni en síðan þvert yfir Norðursjóinn til Orkneyja og þaðan til Færeyja samtals 440 sjó mílur. Þetta er í fyrsta sinn sem þessu leið er farin á bát sem eingöngu er knúinn árum. Ferðinni er heitið til Íslands næsta sumar ef veður leyfir. Báturinn er sér smíðaður og afar vel búinn öllum öryggistækjum. Hann var skírður Auður í höfuðið á landnámskonunni Auði djúpúðgu sem einmitt sigldi frá Skotlandi til Íslands.
