Í tengslum við Opna Húsavíkurmótið í boccia sem haldið var um síðustu helgi afhenti Kiwanisklúbburinn Skjálfandi veglegan styrk til Björgunarsveitarinnar Garðars.
Miðvikudaginn 27 febrúar kl. 20:00 Ætlum við að hafa kynningarfund í Kiwanishúsinu Smiðjuvegi 13a, KópavogiGUL GATA Þar ætlum við kynna Kiwanishreifinguna og það góða og gefandi starf sem þar fer fram. Hvernig væri að skella sér á fund, hitta hressar og skemmtilegar konur, fá sér kaffisopa, spjalla og kynna sér málið. Bjóðum allar konur sérstaklega velkomnar
19. febrúar var almennurfundur hjá Heklu félögum. Að þessu sinni var ræðumaður kvöldsins Jón Gunnarsson alþingismaður Sjálfstæðismanna. Eins og menn vita eru kosningar í vor og er sjálfsagt að heyra í þingmönnum, hvað þeir hafa að bjóða upp á. Jón fjallaði um rammaáætlunina út frá skoðunum sjálfstæðismanna og hvað Landsvirkjun gæti lagt til þjóðarbúsins ef rétt væri haldið á spilunum.
Opna Húsavíkurmótið í Boccia er orðinn fastur liður í starfi Boccideildar Völsungs með góðum stuðningi Kiwanisklúbbsins Skjálfanda, sem annast alla dómgæslu, merkingu valla, og kemur að öllum undirbúningi mótsins.
Kiwanisklúbburinn Skjálfandi heiðraði húsvískt íþróttafólk og lýsti var kjöri á íþróttamanni Húsavíkur í íþróttahöllinni á sunnudaginn 17. febrúar 2013.
Út er komið fréttabréf Evrópustjórnar KIEFupdate fyrir febrúarmánuð sem vert er fyrir Kiwanis menn og konur að skoða til að fræðastum hvað er á döfinni og hvað hefur verið að gerast hjá Kiwanis í Evrópu en fréttabréfið má nálgast hér að neðan.
Síðastliðinn mánudag 11. Febrúar var haldinn svæðisráðsfundur í Sögu með fjarfundarformi. Var notast við hugbúnaðinn Skype í tölvum þáttakenda. Var þetta fyrsti svæðisráðsfundurinn sem haldinn er í Umdæminu með fjarfundarformi að sögn Hjördísar Harðardóttur umdæmisstjóra sem var þátttakandi í fundinum.
Verður sýnt í Opinni dagskrá á Sjárgolf í kvöld 12.febrúar og 13.febrúar kl. 21.30. Þetta eru 2 tuttugu og fimm mínútna þættir um afrek Kiwanis síðastliðið sumar þar sem slegin var golfkúla hringinn kringum landið á 14 dögum þar sem ½ af söfnunarfé rann til MNT verkefnis Kiwanis. Margir komu að þessu og má greinilega sjá á þessum þáttum hvað þetta var mikið þrekvirki samstilltra Kiwanisfélaga. Má með sanni segja að Kiwanis hafi golfað til góðs.
Þetta er viðburður sem Kiwanismenn og konur meiga ekki láta fram hjá sér fara og einnig allir golfarar landsinns og náttúru unnendur, þar sem landslag og ósnortin náttúra Íslands kemur vel í mynd í þessum þáttum.
Mánudaginn 11. febrúar mættu nokkrir Heklufélagar í húsakynni Ljóssins og afhentu styrk. Á móti okkur tók Erna Magnúsdóttir forstöðukona. Erna þakkaði fyrir gjöfina og nefndi það að Kiwanisklúbburinn Hekla hafi verið ötulir í gegnum árin að styrkja Ljósið. Hún sýndi okkur húsnæðið og skýrði frá þeim breytingum sem eru fyrirhugaðar á húsnæðinu.
Gestur okkar á almennum fundi klúbbsins þann 21. febrúar n.k. verður aðalsamningarmaður Íslands í aðildarviðræðum við Evrópusambandið, Stefán Haukur Jóhannesson. Geta félagar spurt hann spjörunum úr um aðildarferlið og það verkefni hans að stjórna viðræðunum fyrir hönd Íslands. Eru félagar sérstaklega hvattir til að mæta með gesti á fundinn. Heyrst hefur að það verði sérstaklega gott í matinn þó erfitt verði að toppa Hilmar "Súper", sem sló í gegn á síðasta fundi með frábærri súpu.
Nokkrir hressir Eldeyjarfélagar og Eldeyjarkonur hittust í hæstu götu bæjarins í morgun kl. 10:30 og gengu eftir nýlagfærðum göngustíg niður að verslunarmiðstöðinni í Lindum. Þátttaka var mjög góð, veður frábært, færi gott og bara allt eins og það getur best orðið - ekki síst félagsskapurinn.
Það er mikið að gera hjá okkur Helgafellsfélögum þessa stundina, s.l fimmtudag var frábær félagsmálafundur og þar skilaði hin frækna þorrablótsnefnd af sér með stæl og komu tveir nefndarmanna með tösku eina sem var járnuð við féhirðinn með uppgjöri blótsinns, en að þessu sinni kom blótið vel út hjá okkur, og ekki skemmdi fyrir þessi uppákoma félaganna Geirs og Gústa.
Góðir gestir mættu á félagsmálafund Eldfells í gær en þá mættu Hjördís Harðardóttir umdæmisstjóri og Svavar Svavarsson frá fræðslunefnd umdæmisins og sögðu frá starfi umdæmsins og því sem efst er á baugi á þeim vettvangi. Hilmar Dolla tók að sér matseldina að þessu sinni og eldaði frábæra súpu ofan í félaga og er hér eftir kallaður "Súperman". Viljum við félagar þakka góðum gestum og súperman fyrir flott framlag á fundinum.
Á síðastliðnu ári voru 25 ár liðin frá því að fyrsti Kiwanis kvennaklúbburinn var stofnaður í Bandaríkjunum og á næsta ári eru 25 ár frá því fyrsti kvennaklúbburinn var stofnaður á Íslandi. Á þessu starfsári, 2012 – 2013, fögnum við því að nú er kona í fyrsta skipti umdæmisstjóri yfir umdæminu Ísland – Færeyjar. Á undanförnum árum hefur konum fjölgað mikið í Kiwanis og nú stefnum við að því stofna nýjan klúbb. Kiwanis starfar undir kjörorðunum “Börnin fyrst og fremst” og okkur langar að kynna það frábæra og skemmtilega starf sem þar fer fram Hvernig væri að skella sér á fund, hitta hressar og skemmtilegar konur, fá sér kaffisopa, spjalla og kynna sér málið.
Allar konur hjartanlega velkomnar Hlökkum til að sjá ykkur Kvennanefnd Kiwanis
S.l. föstudagskvöld var Þorrafundur Eldfells haldinn hátíðlegur og varð hinn besti fundur. Að þessu sinni var ákveðið að allur ágóði kvöldsins yrði látinn renna til AHC-samtakanna www.ahc.is. Virkilega verðugt málefni sem við höfum lagt lið í vetur. Einar Mikael töframaður kom og skemmti gestum og hreinlega sló í gegn og plataði forsetann okkar upp úr skónum. Að sjálfsögðu gerði hann það endurgjaldslaust, enda sérstakur stuðningsmaður málefnisins þar á ferð, en fyrir síðustu jól, tróð hann upp í stóra sal Háskólabíós í sama tilgangi. Hvetjum við alla þá sem vilja og geta að leggja málefninu lið. Myndir frá viðburðinum má sjá í myndasafni hér á síðunni.
Á morgun fimmtudag verður félagsmálafundur og verða gestir frá Kiwanisumdæminu á honum. Hjördís Harðardóttir umdæmisstjóri ásamt föruneyti.
Einnig er rétt að minna á að þann 21. febrúar n.k. verður Stefán Haukur Jóhannesson, aðalsamningamaður Íslands í ESB-viðræðunum, gestur okkar. Eru félagar eindregið hvattir til að koma með gesti á fundinn.
Fjölmennt var í Eldeyjarhúsinu 31. janúar síðastliðinn þegar fram fór forsýning á sjónvarpsþáttum sem sýndir verða í opinni dagskrá á SkjárGolf 12. og 13. febrúar kl. 21:30.
689.fundur Jörfa var haldinn á Broadway við Ármúla mánudaginn 4.febrúar 2013.Þetta var félagsmálafundur með hefðbundinni dagskrá og skýrsluskilum nefndarformanna.Jörfafélagar tóku á móti nýjum félaga Njáli H Jóhannssyni og var hann boðinn velkominn í klúbbinn. Ævar Breiðfjörð sá um innsetninguna en meðmælendur Njáls voru þeir Gunnar Ó. Kvaran og Ingólfur Helgason.Þess má geta að svæðisstjóri Freyjusvæðis Snjólfur Fanndal sat fundinn og flutti Jörfafélögum fréttir frá Freyjusvæði og umdæminu.
