Kiwanisklúbburinn Eldfell styrkir nú í desember tvo aðila og er þetta í fyrsta sinn sem klúbburinn stimplar sig inn fyrir jólinn og sýnir það að félagsskapurinn er svo sannarlega á réttri leið. Þeir aðilar sem að þessu sinni eru styrktir eru Klettaskóli, sem fékk iPad að gjöf og AHC-samtökin voru styrkt með fjárframlagi. Hafa báðir aðilar sýnt og vilja koma á framfæri þakklæti til klúbbféalga og Kiwanishreyfingarinnar. Meðfylgjandi mynd er frá afhendingu á iPad til Klettaskóla s.l. fimmtudag.
Jólafundur Eldfells var haldinn 7. desember s.l. og er óhætt að segja að skemmtinefndin hafi staðið sig með stakri prýði að öllum undirbúningi. Pétur Þorsteinsson frá Óháða söfnuðinum var gestur fundarins og fór þar með tölu, söng jólalag og gladdi félaga með nærveru sinni. Spurningakeppnin alræmda var á sínum stað auk þess sem boðið var uppá hraðbingo af bestu gerð. Á fundinum voru tilkynntir fyrirhugaðir styrkir styrktarnefndar fyrir þessi jól við góðar undirtektir.
Laugardagsmorguninn 15. desember komu nokkrir félagar úr Kiwanisklúbbnum Mosfelli saman í Reykjadal, sumardvalarheimili Styrktarfélags lamaðra og fatlaðra og afhentu Sólveigu Hlín Sigurðardóttur forstöðumanni heimilisins 300 þúsund króna styrk til reksturs helgarvistunar barna þar í vetur.
Jólafundur Kiwanisklúbbsins Jörfa var haldinn föstudaginn 14. desember s.l í Brodway við Ármúla. Séra Þór Hauksson flutti jólahugvekju eins og undanfarin ár.Kiwanisklúbburinn Jörfi færði Umhyggjufélag langveikra barna styrk sem var ágóði af sviðaveislu Jörfa í haust. Þá fékk Jón Jakob Jóhannesson gullstjörnu fyrir frábær störf í Jörfa.
Nokkrir Heklufélagar hittust í gærkveldi 11.des og spiluðu keilu. Mæting var ekki góð en menn höfðu gaman af.Sigurvegari kvöldsins var Guðmundur Oddgeir. Nú er spurningin hvort fleiri klúbbar æfi eða stundi keilu og hvort þeir hafi áhuga á að mæta með okkur seinna í vetur
Laugardaginn s.l 8 desember var haldinn Jólafundur hjá Helgafelli og eins og undanfarin ár var hann sameiginlegur með Sinawikkonum en þær sjá um að framreiða fyrir okkur glæsilegt jólahlaðborð og við sjáum um aðra framkvæmd fundarinns. Fundurinn hófst kl 20.00 en tekið var á móti gestum með live jólatónlist og sá Geir Reynisson um flutninginn.
Miðvikudaginn 5. desember s.l. héldu Mosfellingar með gestum sínum sinn árlega jólafund í Hlégarði þar sem boðið er upp á skemmtiatriði og annálað jólahlaðborð að hætti hússins. Að þessu sinni komu góðir gestir frá Búrfelli á Selfossi sem létu ekki tvísýna færð yfir Fjallið hefta för.
Í kvöld komu saman félagar í Helgafelli til jólaskreytingar, og eru ávalt tvö verkefni á dagskrá, það er að koma Kiwanishúsinu okkar í Jólabúning setja upp Jólatré og skreyta húsið hátt og lágt fyrir jólafundinn og aðra liði sem eru á dagskrá yfir jólahátíðina. Síðan og ekki síst mæta félagar á Hraunbúðir dvalarheimili aldraðra.
Það var almennur fundur hjá Kiwanisklúbbnum Jörfa 3.desember, fyrirlesari var Pétur Bjarnason fyrrum námstjóri hann fræddi okkur um sér íslenskan kynstofn sem kallast Vestfyrðingar. Þetta var hinn fróðlegasti fyrirlestur.
Nú á dögunum tóku Kiwanisklúbburinn Helgafell og Slysavarnadeildin Eykyndill sig saman og styrktu Björgunarfélag Vestmannaeyja til kaupa á hitamyndavél að verðmæti 2,8 m.kr. sem verður sett í björgunarbátinn Þór. Myndavél af þessari tegund kemur sér mjög vel þegar leita þarf að fólki sem fallið hefur í sjóinn og er því mikilvægt að björgunarbátur í sjávarbyggð, eins og Vestmannaeyjar eru, hafi slíkan búnað. Einnig gerir þetta tæki Björgunarfélaginu kleift að sigla með sjúklinga í Landeyjahöfn í myrkri, eitthvað sem var erfitt áður fyrr.
Í kvöld var gengið í pökkun á jólasælgæti sem er okkar aðal fjáröflun. Þá mæta félagar með börn, barnabörn, vini og kunningja og taka til hendinni en það má segja að það sé handagangur í öskjunni í orðsinns fylstu merkingu, en stilt er upp í þrjár línur og setja krakkarnir sælgætið í poka og síðan pakka Helgafellfélagar pokunum í fallega myndskreytta öskjur sem síðan eru seldar næstu vikuna og hefst salan á morgun og mun askjan kosta 1200 krónur í ár.
