Síðasta könnun hér á kiwanis.is var um útgáfu hvítu bókarinnar sem hefur að geyma lög umdæmisinns, félagatal o.fl en spurt var
Finnst þér að umdæmið ætti að gefa áfram út hvítu bókina ? 56 tóku þátt í þessari könnun sem er nú frekar dapurt, en niðurstaðan var afgerandi eða 77 % vilja halda þessari útgáfu óbreyttri.
Nú er að fara í loftið ný könnun og snýr hún að Kiwanisfréttum og væri nú gaman þar sem styttist í þing að fá svolítið hressileg viðbrögð.
Helgina 10.-12.ágúst fóru Jörfafélagar í sína árlegu sumarútilegu ásamt fjölskyldum sínum. Haldið var að Nesi í Reykholtsdal . Á föstudagskvöldinu var sungið ,spjallað og borðuð dýrindis súpa. Á laugardeginum fóru áhugasamir í gólf, farið var í leiki við börnin og skemmtu sér allir vel saman.
Sumarferðin verður farin að Nesi í Reykholtsdal. Þarna er aðstaða fyrir húsbíla (rafmagn) og draghýsi en einnig er gistiaðstaða í húsi. Þarna er 9 holu golfvöllur, veitingasala og heitur pottur.
Dagskráin verður með hefðbundnu sniði, en hefur ekki verið fast ákveðin.
Við reiknum með að fólk sé að koma á staðinn á föstudeginum og fram eftir kvöldi.
Súpa verður í boði eins og áður.
Við ætlum að grilla sjálfir á laugardeginum og borða saman í veitingasalnum. Við reynum að hafa einhverja létta dagskrá undir borðhaldinu.
Matseðill: Grillað Lambalæri að hætti Jörfamann með bökuðum kartöflum og sósu. Grillaðir Jörfa borgarar (Ekta hamborgarar) pylsur fyrir börnin, salat að hætti Jörfakvenna. Með þessu verður verður boðið upp á rauðvín. Gos fyrir börn og áfengislausa.
Fyrir allt þetta borgum við aðeins kr. 2.000 og frítt fyrir 14 ára og yngri.
Að beiðni umdæmisstjóranna níu hefur verið boðað til aukafundar í Evrópustjórn og verður fundurinn haldinn í Belgíu föstudaginn 24. ágúst. Fundurinn er haldinn til að ganga frá samkomulagi við Kiwanis International um greiðslur til Evrópu á næsta starfsári og skiptingu þeirra, en hingað til hafa þessar greiðslur runnið beint í rekstur Evrópustjórnar. Samkomulag er um að KI greiði KIEF 180 þúsund evrur (28 milljónir króna) til reksturs á næsta ári en auk þess innheimtir KIEF um 210 þúsund evrur í félagsgjöld frá klúbbunum í Evrópu. Allir núverandi umdæmisstjórar vilja hafa áhrif á í hvað þessum peningum er eytt, en ekki láta fjögurra manna framkvæmdaráð taka allar ákvarðanir og kynna síðan ákvarðanir sínar á fundum Evrópustjórnar.
Elsti klúbbur Evrópu KC Wien – Europa 1 verður 50 ára á næsta ári . Umdæminu hefur borist boð um þátttöku í veglegri afmælishátið klúbbsins sem jafnframt er 50 ára afmæli Kiwanis í Evrópu. Fyrstu upplýsingar um afmælishátíðana, sem haldin verður dagna 15. – 17. Mars 2013 , er að finna á íslensku á meðfylgjandi
Heimsþing Kiwnaishreyfingarinnar var haldið í New Orleans 28.júní -1.júlí. Á vegum umdæmisins sátu umdæmisstjórarnir þingið ásamt mökum, en við Konný vorum þarna á eigin vegum, m.a. vegna móttöku viðurkenninga og staðfestingar á kjöri í heimsstjórn og fyrstu kynningar og þjálfunar nýrra heimsstjórnarmanna. Eftir Evrópuþing beið törn við lokaundirbúning Isgolfs Eldeyjar, en vestur um haf var haldið 22.júní. Löngu var ákveðið að mæta nokkrum dögum fyrir þing og nota tækifærið til að skoða borgina. Það var ótrúlegt að sjá uppbygginguna sem átt hefur sér stað í kjölfar þess að fellibylurinn Katarína reið yfir borgina í lok ágúst 2005. Meir en 80% af borginni fóru undir vatn, sum staðar allt að 5 metrum.
Í Kiwanis þá er sumarið tími Evrópu– og heimsþinga. Blásið var til Evrópuþings í Bergen í Noregi 8-10 júní , en heimsþing var haldið í New Orleans í BNA 28. júní – 1 júlí. Umdæmisstjóri Ragnar og kjörumdæmisstjóri Hjördís ásamt mökum sóttu bæði þingin í embættiserindum, sátu Evrópuráðs-fundi, sóttu fræðslu og sinntu þingstörfum. Undirritaður sótti Evrópuþing sem formaður fjölgunarnefndar Evrópu auk þess að sinna formlegu framboðsstússi.
Í New Orleans á heimsþingi KI var meðal annars kynning á heimsstjórn 2012 - 2013 og þar var okkar maður Óskar Guðjónsson fráfarandi umdæmisstjóri kallaður fram og kynntur. Við Íslendingarnir sem sátum þingið vorum ánægð með okkar mann og það er mikill heiður fyrir umdæmið að Óskar eigi sæti sem stjórnarmaður í heimsstjórn.
Á heimsþingi Kiwanis International sem fram fór dagana 28 – 30 júní í New Orleans voru veittar viðurkenningar til þeirra umdæma sem voru fyrirmyndarumdæmi 2010-2011. Sylvester Neel fráfarandi heimsforsseti , kallaði þá sem voru umdæmisstjórar og umdæmisritarar 2010-2011 upp á svið til sín og þakkaði fyrir frábær störf.
Sumarhátíð Ægissvæðis verður haldin í Garði laugardaginn 7. júli. Á tjaldsvæðinu við Garðskagavita er búið að taka frá pláss og tryggja rafmagn fyrir þá sem það þurfa og hvorutveggja er án endurgjalds. Félagar í Hofi verða á staðnum frá kl. 17:00 föstudaginn 6. júlí og taka vel á móti þátttakendum sem ætla að gista tvær nætur.
Sumarhátíð Ægissvæðis verður haldin í Garði laugardaginn 7. júli. Á tjaldsvæðinu við Garðskagavita er búið að taka frá pláss og tryggja rafmagn fyrir þá sem það þurfa og hvorutveggja er án endurgjalds. Félagar í Hofi verða á staðnum frá kl. 17:00 föstudaginn 6. júlí og taka vel á móti þátttakendum sem ætla að gista tvær nætur.
Ísgolfið hefur farið vel af stað og þegar þetta er skrifað er hópurinn að renna inn á Höfn á Hornafirði. Við viljum hvetja alla Kiwanisfélaga vini og vandamenn þeirra til að taka þátt í verkefninu og það er hægt með því að hringja inn áheit. Símanúmerin eru eftirfarandi:
902 5001 og gefa 1000 kr?
902 5003 og gefa 3000 kr
?902 5005 og gefa 5000 kr
Styrktarreikingur Isgolfs2012 er hjá Landsbankanum: 0130-26-000717 kt. 571178-0449
Ögmundur Jónasson skrifar: Á miðnætti í lok þjóðhátíðardagsins sló ég fyrsta höggið í maraþon-golfleik sem Kiwanishreyfingin efnir til hringinn um landið til að afla fjár til góðra málefna. Ég mætti til leiks – ekki sem sérstaklega glæsilegur fulltrúi golfíþróttarinnar – enda tókst höggið ekki vel – heldur sem fulltrúi samfélagsins. Átakið þarf einmitt á velvelja okkar allra að halda ef það á að skila árangri í fjársöfnuninni.
Að ganga eða hjóla hringveginn þykir nú á dögum ekkert tiltökumál og oftast gert til að safna fé til góðgerðarmála og er það vel. Fyrir meira en ári fékk Kiwanisfélagi í Kiwanisklúbbnum Eldey í Kópavogi þá hugdettu, sagði í raun að hann hefði dreymt þetta verkefni, sem er að leika golf til fjáröflunar meðfram þjóðvegi 1. Nú rúmu ári síðan er þetta verkefni orðið að veruleika og hefur vakið athygli hér innanlands og ekki síður erlendis.
