Klúbbarnir Búrfell frá Selfossi og Mosfell úr Mosfellsbæ héldu sameiginleg stjórnaskipti í gærkvöldi 9.október. Stjórnarskiptafundurinn var haldinn á Veitingastaðnum Eldhúsinu á Selfossi og var vel mætt frá báðum klúbbum.
Diðrik forseti setti fundinn og bauð menn velkomna til fundar á Selfossi og fór síðan yfir starfið og það sem brýnt er að gera í klúbbnum í framtíðinni og einnig flutti Kristján Þór Ingvarsson forseti Mosfells ávarp.
Búrfellsmenn hafa sett upp punktakerfi fyrir
klúbbmeðlimi til að vinna sér inn og sá sem fær flesta punkta fær farandbikar til varðveislu í eitt ár. Það var heiðursmaðurinn Jón Helgason sem fékk bikarinn að þessu sinni fyrir frábær störf. Að þessu loknu var tekið matarhlé, og ekki var maturinn af verri endanum Lamalæri með öllu og kaffi og konfekt á eftir.
Að loknu matarhléi var komið að stjórnarskiptum og sá Tómas Sveinsson um að setja verandi embættismenn inn og naut aðstoðar Björns Baldurssonar frá Mosfelli. Stjórnarskiptin gengu vel og hratt fyrir sig og nýjar stjórnir klúbbana eru eftirfarandi.
Stjórn Búrfells skipa sömu aðila og á síðasta starfsári.
Fráfarandi forseti: Guðjón Jónsson
Féhirðir: Ágúst Magnússon
Ritari: Jóhann V.Sveinbjörnsson
Kjörforseti: Hilmar Þór Björnsson
Forseti: Diðrik Haraldsson
Stjórn Mosfells
Fráfarandi forseti: Kristján Þór Ingvarsson
Meðstjórnandi: Pálmar Ingi Guðnason
Féhirðir: Pétur Magnússon
Ritari: Hlynur Hilmarsson
Kjörforseti: Haraldur Valur Haraldsson
Forseti: Erlendur Örn Fjeldsted
Að loknum stjórnarskiptum tók Erlendur Örn Fjeldsted við stjórn fundarinns og ávörpuðu nýkjörnir forseta fundinn tekin smá umræða og gamanmál undir liðnum önnur mál og síðan var fundi slitið og menn héldur heim á leið, sáttir eftir mjög góðann fund.
TS.