Kæru Kiwanisfélagar
Undanfarna daga og vikur höfum við séð á samfélagsmiðlum svo og annarstaðar að klúbbar eru að halda sína jólafundi, fundirnir eru jafnan fjölsóttir og eru ýmsar mismunandi hefðir í hafðar í heiðri, Það er ánægjulegt að fylgjast með hvernig klúbbar fagna komu jóla og leiðir hugann að því samfélagi sem er meðal okkar Kiwanisfélaga og er okkur svo mikils virði . Mjög margir klúbbar eru einnig með fjáröflun fyrir og í kring um jólahátíðina sem er svo grunnur af starfi klúbba allt árið. Jólin eru jú oft nefnd hátíð barnanna og börn eru okkar viðfangsefni og
annar af tveim megin póstum sem skapar grundvöllinn fyrir öllu okkar starfi hinn pósturinn samfélagið við félagana í klúbbunum og hreyfingunni er ekki síður mikilvægur og eigum við að leggja áherslu á að rækta hann, finnum tækifæri til að hittast of njóta samveru efla tengslin og hafa gaman á fundum og í öðru því sem klúbbarnir taka sér fyrir hendur.
Kæru félagar ég vil óska ykkur öllum gleðilegra jóla og megið þið eiga ljúfar stundir yfir hátíðarnar, vonast til að hitta sem flesta kiwanis félaga á nýju ári
Gunnsteinn Björnsson Umdæmistjóri