Stjórnarskiptafagnaðurinn var haldinn í Ráðhúsi Þorlákshafnar að viðstöddum um 60 manns félagar og makar.
Kvöldið hófst á léttu nótunum með ávörpum og gamanmáli, verðandi ritari sagði frá ferðinni á þingið í Eyjum á skemmtilegan hátt og höfðu viðstaddir gaman að. Matseðill kvöldsins var ekki af verri endanum en í forrétt var humarsúpa með
heimabökuðu brauði, í aðalrétt var heilsteikt nautalund með steiktu grænmeti hazelback kartöflum og bernaise og piparsósu og í eftirrétt var brownies og bollakaka með vanillukremi og kaffi, frábær matur sem þeir Ölversfélagar buðu upp á.
Tómas Sveinsson Svæðisstjóri sá síðan um stjórnarskiptin, en nýja stjórn Ölvers skipa
Forseti: Kári Hafsteinsson
Kjörforseti: Aðalsteinn Jóhannsson
Varaforseti: Þórarinn F. Gylfason
Ritari: Björn Þór Gunnarsson
Gjaldkeri: Svavar Gíslason
Meðstjórnendur: Gústaf Ingvi Tryggvason, Stefán Hauksson og Guðjón Daðason
Fráfarandi forseti : Gísli Eiríksson.
Frábærir Kiwanisfélagar hér á ferð sem við getum verið stoltir af í hreyfingunni og væntum við mikils af þeirra starfi á komandi starfsári.
TS.