Kiwanisklúbburinn Helgafell heldur nú Umdæmisþing í annað sinn, en Umdæmisþing var haldið í Vestmannayjum síðast 1983. Síðustu dagar fyrir þingið 1983 voru mjög annasamir fyrir félaga klúbbsinns en þá var unnið hörðum höndum við að koma húsnæði Klúbbsins í það horf að hægt væri að halda Umdæmisþingið í húsinu okkar sem verið hafði í byggingu. Nú í ár er staðan sú að við erum enn að gera húsið klárt fyrir umdæmisþing, tekið í gegn að utan sem innan og jafnframt sett í húsið lyfta sem verið hefur í umræðu frá því húsið var byggt.
Þinghald verður húsi Helgafells en fundir og fræðsla í nálægum sölum þar sem það á við. Þingsettning verður í
Landakirkju og hefst athöfnin kl.20.30 föstudagskvöldið 11. september. Að setningarathöfninni lokinni býður Helgafell til samfagnaðar í húsnæði klúbbsinns við Strandveg.
Þingfundi verður fram haldið laugardaginn 12. september í húsi klúbbsinns, en lokahóf verður haldið í Höllinni, veislusal við Löngulág.
Makaferð munum við Helgafellsfélagar hafa í boði fyrir þá sem þess óska, þar sem gerð verða skil á einstakri náttúru eyjanna, sögu og jafnvel einhverju óvæntu..
Erum við Helgafellsfélagar ekki í vafa um að helgin 11.-13. september verði mjög árangursrík og skemmtileg fyrir Kiwanisfélaga, maka þeirra og aðra sem að þinginu koma, þingfulltrúa, embættisfólk svo og erlenda fulltrúa og gesti.
Mætum prúðbúin til lokahófs í Höllinni í lok umdæmisþings og gleðjumst þar saman.
Allar nánari upplýsingar er að finna á http://www.kiwanis.is/is/page/umdaemisthing
Sjáumst sem allra flest á 45. umdæmisþingi Kiwanisumdæmisins Ísland-Færeyjar í Vestmannaeyjum 11. – 13. september.
Guðmundur Jóhannsson formaður þingnefndar
Vegalengdir ekki miklar Gistiheimilið Hamar og Kiwanishúsið í baksýn