Heklufélagar með íbúa Hrafnistu í sumarferð .

23. maí s.l. var farin hin árlega sumarferð með íbúa frá Hrafnistu í Reykjavík. Þetta var 49 ferðin og var farinn Bláfjallahringurinn, upp á Sandskeið og að Bláfjöllum og niður í Hafnarfjörð og endað í kaffi í safnaðarheimili Bústaðarkirkju.  Þar tók á móti okkur séra Pálmi Matthíasson, hann leiddi okkur í kirkjuna og sagði nokkur orð og síðan voru tvær söngkonur og undirleikarar sem sungu og spiluðu nokkur lög og síðan var drukkið kaffi og með því.