K-dagur

K-dagur

K- Dagurinn

Hugmynd að K-degi kemur fyrst fram í grein í marsblaði Kiwanisfrétta árið 1972 þar sem Eyjólfur Sigurðsson fyrrverandi heimsforseti Kiwanishreyfingarinnar þá forseti Kiwanisklúbbsins Heklu setur fram þá hugmynd, að allir Kiwanisklúbbar á landinu haldi sameiginlegan Kiwanisdag og á þeim degi verði haldnar barnaskemmtanir, skemmtanir fyrir aldraða og að klúbbar afhendi styrktar- og líknargjafir svo nokkuð sé nefnt.
Þessi hugmynd er síðan að þróast næstu mánuðina og kemur síðan fram sem fullmótuð tillaga.  Í framhaldi ákveður Kiwanishreyfingin að halda K-dag 18. október 1974, undir kjörorðunum "Gleymum ekki geðsjúkum". Á þeim degi gengu Kiwanismenn ásamt aðstoðarfólki á fund landsmanna og seldu barmmerki, Kiwanis-lykilinn, til styrktar geðsjúkum. Ágóði af þessum fyrsta K-degi rann til húsnæðis og til tækjakaupa fyrir Bergiðjuna, sem er verndaður vinnustaður við Kleppsspítala. Framhaldið er þekkt, K-dagur er orðin fastur liður í Kiwanisstarfinu þriðja hvert ár og kjörorðið "Gleymum ekki geðsjúkum" þekkja allir landsmenn.  Tilgangur með K-degi er ekki aðeins að safna fé, heldur einnig að vekja þjóðina til umhugsunar um málefni geðsjúkra. Í grein sem Tómas Helgason, geðlæknir, skrifar fyrir K-dag 1983, kemur m.a. fram: "Kiwanisklúbbarnir á Íslandi ætla nú í fjórða sinn að beita sér fyrir landssöfnun til þess að stuðla að endurhæfingu geðsjúkra. Framtak þeirra hefur verið til ómetanlegs gagns.  Annars vegar hefur það fé, sem þeir hafa safnað, komið að beinum notum til starfs- og heimilisendurhæfingar sjúklinganna.  Hins vegar hafa þeir vakið athygli alþjóðar á vanda stærsta öryrkjahópsins, þess hóps sem á erfiðast með að tala fyrir sig sjálfur, vegna veikinda sinna og vegna þeirra fordóma sem gætt hefur í þeirra garð.  Lykillinn sem Kiwanismenn hafa selt í fjáröflunarskyni, hefur verið tákn þess sem þeir vilja leggja af mörkum til að eyða þessum fordómum og til að rjúfa einangrun hinna geðsjúku".

 

Upplýsingar K-dagsnefndar
 

Nýjustu færslur

Blog Message

Umdæmisstjórnarfundur 17 febrúar 2018

Í dag fór fram Umdæmisstjórnarfundur á Bíldshöfða 12 í Reykjavík. Konráð Konráðsson umdæmisstjóri setti fundinn klukkan hálf ellefu o..
Blog Message

Vinnustaðafundur

​ Frábær vinnustaðafundur Jörfafélaga haldinn hjá Össur sem var stofnað á Íslandi árið 1971 og er nú orðið alþjóðlegt heilbrigðist..
Blog Message

Konudagsblóm

Nú í ár ber konudaginn upp á 18.febrúar og er Jörfi með sölu á blómavöndum eins og undanfarin ár, verðið er kr. 4.500 fyrir vöndinn. H..
Blog Message

Ós gefur öryggisvesti fyrir börn !

Kiwanisklúbburinn Ós gaf 8 öryggisvesti sem forvörn fyrir börn á námskeiðum hjá Hestamannafélaginu Hornfirðingi. Formaður Hornfirðings P..
Blog Message

Bæjarstjóri í heimsókn hjá Keilismönnum !

Kjartan Már Kjartansson bæjarstjóri Reykjanesbæjar var gestur Keilismanna í kvöld. Aldeilis fínn fundur þar sem farið var yfir öll þau má..
Meira...
Svæðisráðstefna í Ægissvæði 24. feb 2018 klukkan 10:00


Fræðsla Kjörsvæðisstjóra 17. mars 2018 klukkan 10:00


Svæðisráðstefna í Freyjusvæði 07. apríl 2018 klukkan 10:00


Sjá alla viðburði