Ísgolf

Ísgolf

 

Isgolf Kiwanis var skemmtilegt verkefni sem haldið var 2012 fyrir Kiwanisfélaga

Gegnum árin hafa einstaklingar og hópar á vegum ýmissa íþrótta-­‐ og líknarfélaga verið að ganga, hlaupa, hjóla og haltur hefur leitt blindan í góðgerðarskyni um þjóðveg 1.  Þetta fólst í því að Kiwanisfélagar léku golfbolta hringinn í kringum landið. Þetta er í fyrsta skiptið sem þetta var gert. Þetta er um 1350 km. leið. Áheitum var safnað á slegin högg, að hámarki 9.500 högg. Þetta er sambærilegt við að leika 300 golfhringi. Þessum golfhring og  ævintýri var lokið á 14-­‐15 dögum. Slegið var meðfram þjóðvegi 1 alla daga og suma daga var leikið allan sólarhringinn. Brautin er par 9999!, lengsta braut sem leikin hefur verið hér á landi og þó víðar væri leitað!!! Um va að ræða fjáröflun til góðgerðarmála sem nokkurir Kiwanisklúbbar landsins komu  að. Á þessum tíma voru Kiwanisfélagar á landinu  um 1000 í og á heimsvísu um 700,000.

Ýmsar skemmtilegar þrautir þurfti að leysa á leiðinni. Af tryggingaástæðum var ekki leyfilegt að slá í gegnum þéttbýliskjarna. Því voru  samsvarandi vegalengdir slegnar utan/eða í nágrenni þeirra byggðalaga sem voru á vegi okkar. Við þurftum að glíma við lúpinubreiður, hraun, stórfljót, Skeiðarársand (stærsta sandgryfja sem hefur verið leikin) og margt annað. Í för voru um 8 bifreiðar og 10 til 15 Kiwanisfélgar voru að jafnaði í hópnum. 

Leikurinn hófst  v/Norðlingabraut 18. júni 2012 kl. 00:01. Ögmundur Jónasson, Innanríkisráðherra sló fyrsta höggið. Leiknum lauk 1.júli 2012. Stefán Eiríksson lögreglustjóri í Reykjavík sló síðasta höggið.

Landsbanki Íslands var fjárvörsluaðili verkefnisins.

Mbl.is og fleiri fjölmiðlar voru með reglulega umfjöllun um verkefnið. Einnig höfðu fréttastöðvar sjónvarpsrása sýnt áhuga á að fá að fylgjast með.

Skjárinn var með í ferð með 2 tökumenn og 1 hljóðmann. Þeir sýndu frá þessu ævintýri í opinni vel kynntri dagskrá í tveimur 40 mín. þáttum á Skjágolf.

Með Kiwaniskveðju

Guðlaugur Kristjánsson verkefnisstjóri 


 

Nýjustu færslur

Blog Message

Stjórnarskipti í Umdæminu Ísland – Færeyjar !

Stjórnarskipti fóru fram í Umdæminu laugardaginn 19 september og var húsið opnað fyrir gestum kl 18.30 með fordrykk og síðan setti Umdæmiss..
Blog Message

Umdæmiskjörfundur laugardaginn 19 september 2020.

Síðastliðinn laugardag eða 19 september var haldinn Umdæmiskjörfundur á Bíldshöfða 12, og fóru þar fram hefðbundnar kosningar til að get..
Blog Message

Streymisslóðin á Kjör-umdæmsfund 19 sept 2020

https://youtu.be/K0EHDhswOYM Fundurinn hefst kl 11.30
Blog Message

Intaka nýrra félaga í Mosfell !

Í gærkvöldi var fundur hjá Kiwanisklúbbnum Mosfelli haldinn í Golfskálanum í Mosfellsbæ og á þessum fundi tóku þeir inn hvorki meira en m..
Blog Message

Frá Kiwanisklúbbnum Sólborgu !

Nú eins og alþjóð veit, hefur verið lítið um fundi undanfarið vegna samkomubanns en við gátum haldið stjórnarfund, félagsmálafund og að..
Meira...