Næstu daga voru fundahöld hjá Andrési og Gylfa bæði á þinginu og með sínum umdæmisstjórum. Það er siður á heimsþingi að heimsforseti og viðtakandi heimsforseti bjóða sínum umdæmisstjórum til veislu og var það einnig svo nú.
Núverndi umdæmisstjórar fóru í heimsókn á heimili fyrir munaðarlaus börn með sérþarfir en þar er einnig rekin dagvistun. Var það mjög gefandi að fara þangað og leika við börnin. Þetta heimili er starfrækt undir verndarvæng Kiwanisklúbbsins Alamo í San Antonio. Nelson Tucker afþakkaði allar gjafir en þess í stað var ákveðið að hver umdæmisstjóri gæfi ákveðna upphæð sem rynni til heimilisins í hans nafni.
Kjör-kjör-heimsforseti var valinn Paul Palazzolo frá Illinois í Bandaríkjunum, nýr fulltrúi Evrópu í heimsstjórn er Peter Wullenweber, núverandi umdæmisstjóri í Þýskalandi.
Heimsþing er mjög frábrugðið okkar þingi þar sem bæði setning og slit eru mjög mikið "amerískt show", td. var setningin í anda Jay Lenno þáttana. Næsta heimsþing verður i Orlando 26. - 29. júní 2008 og er það mjög spennandi kostur fyrir kiwanisfélaga að fara þangað þar sem flogið er þangað beint.
Andrés K. Hjaltason umdæmisstjóri