Um kl: 20:00 var fólki vísað til sætis og fram var borinn sjávaréttarforréttur , síðan tók við aðalrétturinn sem var lambakjöt, svínakjöt og tilheyrandi meðlæti. Eftir matinn var síðan borið fram kaffi og konfekt.
Gylfi Ingvarsson umdæmisstjóri afhenti viðurkenningar til klúbba fyrir starfsárið 2007-2008. Fyrir athyglisverðasta styrktarverkefnið fékk Kiwanisklúbburinn Drangey. Fjölgunarbikarinn fékk Kiwanisklúbburinn Hraunborg og fjölmiðlabikarinn fékk Kiwanisklúbburinn Helgafell. Viðurkenningar fyrir að vera fyrirmyndarklúbbur fengu alls 15 klúbbar en þeir eru, Höfði, Jörfi, Katla, Mosfell, Skjálfandi, Búrfell, Gullfoss, Helgafell, Ós, Ölver, Eldborg, Eldey, Hraunborg, Keilir, og Sólborg.
Því næst var komið að stjórnarskiptum en að þessu sinn var það Sæmundur H. Sæmundsson fyrrverandi umdæmisstjóri sem sá um þau. Hann byrjaði á því að kalla fram stjórnina sem var að láta af störfum og þeim var þakkað fyrir vel unnin störf, þau fengu viðurkenningarskjal og makar þeirra fengu rós. Gylfi Ingvarsson var síðan leystur undan embætti sem umdæmisstjóri 2007-2008.
Að þessu loknu var nýja stjórnin kölluð fram og sett í embætti og Matthías G. Pétursson var orðinn umdæmisstjóri 2008-2009. Þetta var mjög vel heppnað, glæsilegt kvöld og skemmti fólk sér vel.
En mikið fjölmenni var viðstatt stjórnarskiptin því fyrr um daginn var Kiwanisráðstefna en hana sátu kjörforsetar og var þeim öllum boðið ásamt mökum. Á sunnudeginum fór svo fram fræðsla forseta,
sem sagt sannkölluð Kiwanishelgi .
Fleiri myndir undir myndasafni.